An Mar Jaherana

An mar jaherana kendo en mara, Saa ma owuotho e batha abuonjo kenda, Chunya tugo ka roya ma kwayo, Jaherana lomba saa ma wabayo.

An mar jaherana kendo en mara, Oduogo chunya kaka koth duogo lum, Ahero winjo duonde saa ma odhum Dwonde mit maloyo thum

Yaye jaherana, Kik iketri e weche mag awinjo Josem fuyo gi wach ka winyo Donge ing'eyo ni chunya nasesingo Ni nyaka giko, herawa biro siko

Yaye jaherana, Tong wang'i rieny ka sulwe Laki rachar ka pee Wuod Luo bor ka yiend kaladan Herani osenega tikli

Yaye jaherana, Bi wapond kodi e piny mabor Bi walos kodi dak mamor Bi ateri pacho giluongi or Nikech ma e kindewa mar hera

An mar jaherana kendo en mara Agoyo ne ruoth erokamano kuom para Donge chakre chon ne ong'eyo kara An mar jaherana kendo en mara!